У Пермі гарыць ключавы для касмічнай праграмы Расіі завод «Протон-ПМ»

• 2.09.2026, 9:50

Маштабнаму пажару надалі павышаны ранг № 2.

Раніцай 2 верасня у Пермі загарэўся цэх завода «Протон-ПМ», які выпускае вадкасныя ракетныя рухавікі для першых ступеняў ракет-носьбітаў. Пра гэта паведаміў Dialog.UA пасля маніторынгу сацсетак і мэсэнджараў.

Пажар на тэрыторыі завода «Протон-ПМ» 2 верасня пачаўся прыкладна а 06:30. На месца здарэння накіравалі 80 выратавальнікаў і 28 адзінак спецыяльнай тэхнікі. Пажару надалі павышаны ранг № 2.

Сцвярджаецца, што а 07:56 пажар лакалізавалі на плошчы 2100 квадратных метраў. Паводле папярэдняй інфармацыі, гарыць адзін з цэхаў завода «Протон-ПМ». Прадстаўнікі прадпрыемства адмовіліся адказваць на пытанні журналістаў.

Поўнае маўчанне захоўваў і губернатар Пермскага краю Дзмітрый Махонін. Судзячы па фатаграфіях, выкладзеных у сеціва, пажар на заводзе ў Пермі вельмі вялікі. Над прадпрыемствам у неба падымаецца вялізны слуп чорнага дыму.

Прычына ўзгарання невядомая. Варта адзначыць, што 2 верасня ў Пермскім краі рэжым беспілотнай небяспекі не абвяшчалі.

«Протон-ПМ» — гэта стратэгічнае прадпрыемства Расіі, якое ўваходзіць у дзяржаўную карпарацыю «Раскасмас». Там выпускаюць вадкасныя ракетныя рухавікі для першых ступеняў ракет-носьбітаў, газатурбінныя ўстаноўкі, вузлы і кампаненты для авіяцыйных рухавікоў.