У РФ дапусцілі магчымасць абмену Сянцова

• 2.07.2018, 21:18

Украінскага рэжысёра могуць абмяняць на Вышынскага.

Украінскі палітвязень Алег Сянцоў можа трапіць у спіс на абмен асуджаных ва Украіне расейскіх зняволеных. Пра гэта заявіў намеснік старшыні камітэта Савета Федэрацыі абароны і бяспекі Аляксей Кандрацьеў, паведамляе расейскае РІА Новости.

«Я думаю, Сянцоў можа патрапіць. Тэма яго абмену не раз падымалася ўкраінскім бокам, яго прозвішча, па-ранейшаму актуальнае», - сказаў Кандрацьеў.

Таксама намеснік старшыні камітэта паведаміў, што Сянцова могуць абмяняць на кіраўніка партала РІА Новости Украина Кірылу Вышынскага, імя якога няма ў «спісе 23».

«Цяпер яго прозвішча няма ў спісе, які абвясціла Украіна, але яно можа там з'явіцца ў любы момант», - сказаў Кандрацьеў.

2 ліпеня віцэ-спікерка Вярхоўнай рады Ірына Герашчанка назвала прозвішча расейцаў для абмену на ўкраінскіх палітвязняў.

2 ліпеня ўпаўнаважаная Вярхоўнай Рады ў правах чалавека Людміла Дзянісава заявіла, што Расея прапанавала перанесці наведванне ўкраінскіх палітвязняў на жнівень ці верасень.