Трамп і Мэркель абмеркавалі сітуацыю ва Украіне

• 27.08.2018, 21:05

Канцлерка Нямеччыны і прэзідэнт ЗША правялі тэлефонную размову.

Канцлерка Нямеччыны Ангела Мэркель і прэзідэнт ЗША Дональд Трамп абмеркавалі сітуацыю ва Украіне падчас тэлефоннай размовы.

Пра гэта паводле вынікаў гутаркі заявіў прэс-сакратар Мэркель Штэфэн Зайберт, паведамляе eurointegration.com cа спасылкай на прэс-службу нямецкага ўрада.

«Перамовы сканцэнтраваны на сучасных міжнародных праблемах і пытаннях гандлю. Канцлерка і прэзідэнт падзяляюць занепакоенасць з нагоды развіцця сітуацыі ў Сірыі, між іншым гуманітарнай сітуацыі ў рэгіёне Ідліб. Расею заклікаюць да стрымліваючага ўплыву на сірыйскі рэжым і прадухілення далейшай эскалацыі», - гаворыцца ў заяве.

Зайберт сказаў, што лідары дзвюх краін таксама казалі пра Украіну і заходнія Балканы, не ўдаючыся ў падрабязнасці.

Рэгіён Ідліб, апошні прытулак для грамадзянскіх асоб і паўстанцаў, якія мігравалі з іншых раёнаў Сірыі, а таксама магутных джыхадзісцкіх сіл, быў уражаны хваляй паветраных удараў і абстрэлаў у гэтым месяцы, у магчымай прэлюдыі да поўнамаштабнага ўрадавага наступу. ЗША перасцераглі РФ і прэзідэнта Сірыі Башара Асада ад любога прымянення там хімічнай або біялагічнай зброі і паабяцалі «рашучы адказ» у выпадку атакі. Турцыя, якая ўстанавіла вайсковую варту ва Ідлібе, таксама перасцерагае Маскву ад магчымага наступу на рэгіён, пра што неаднаразова заяўляў Асад, якога падтрымлівае Расея.

У красавіку адміністрацыя Трампа сабрала кааліцыю амерыканскіх, французскіх і брытанскіх сіл для нападу на аб'екты сірыйскага ўрада, звязаныя з вытворчасцю хімічнай зброі, пасля нападу атрутным газам загінулі дзясяткі людзей у раёне Дума. Дамаск, які падтрымліваецца Масквой, адмаўляе прымяненне такой зброі.