У Вашынгтоне ўведзены рэжым надзвычайнай сітуацыі праз насоўванне ўрагану «Флорэнс»

• 11.09.2018, 20:53

Прэзідэнт ЗША заклікаў жыхароў краіны «падрыхтавацца і прыслухацца да папярэджанняў уладаў».

Мэр Вашынгтона Мюрыэль Баўзэр увяла ў сталіцы ЗША надзвычайнае становішча праз насоўванне ўрагану «Флорэнс».

Пра гэта паведамляе РБК са спасылкай на The Washington Post.

«Мы, вядома, рыхтуемся да ўрагану «Флорэнс». Мы ведаем, што будуць паводкі, моцныя дажджы і вецер», - сказала мэр.

Яна дадала, што рэжым надзвычайнага становішча ўводзіцца неадкладна. Паводле прагнозаў, пролівень у рэгіёне будзе доўжыцца блізу трох-чатырох дзён. Камунальныя службы горада прыведзеныя ў стан падвышанай гатоўнасці і будуць працаваць звышнарматыўна.

Раней рэжым надзвычайнага становішча праз «Флорэнс» увялі губернатары штатаў Паўночнай і Паўднёвай Караліны, а таксама Вірджыніі і Мэрылэнда. Паводле звестак Нацыянальнага цэнтра папярэджання ўраганаў ЗША, «Флорэнс» цяпер знаходзіцца ў акваторыі Атлантычнага акіяна. Ён рухаецца з хуткасцю 20 км/г і дасягне Усходняга ўзбярэжжа 14 верасня. Хуткасць ветру ў цэнтры ўрагану складае 225 м/с.

Прэзідэнт ЗША Дональд Трамп заклікаў жыхароў краіны, якія знаходзяцца на шляху ўрагану, «падрыхтавацца і прыслухацца да папярэджанняў уладаў».