Раман Бяссмертны ідзе ў прэзідэнты Украіны

• 26.01.2019, 21:41

Былы амбасадар Украіны ў Беларусі ўзначаліў новую партыю «Рух+380».

Украінскі палітык Раман Бяссмертны ўзначаліў новую партыю "Рух+380". Адпаведная пастанова была прынятая 26 студзеня на ўстаноўчым сходзе палітсілы, паведаміла прэс-служба Бяссмертнага.

Ён заявіў, што мэта партыі – "адрадзіць палітыку і палітыкаў" і "пазбавіцца ад шоўменаў, зладзеяў і хлусаў".

Намеснікам Бяcсмертнага стаў палітык Віктар Матчук.

«Арганізацыйныя структуры цяперашніх палітычных партый дазваляюць прадаваць статутныя дакументы і мёртвыя душы. Мы першапачаткова адмовіліся ад гэтага. Нам трэба прайсці ўсю дарогу, якую патрабуе закон "Аб палітычных партыях Украіны". Адчуць, як людзі рэагуюць на гэта, як падтрымліваюць нашы ідэі», – сказаў Бяcсмертны.

Матчук адзначыў, што лічбы +380 – міжнародны код Украіны, і гэтым быў абумоўлены выбар назвы партыі.

На ўстаноўчым сходзе зацвердзілі статут і праграму партыі, у аснове якой будзе неакансерватыўная ідэалогія, паведамілі ў прэс-службе. Прынятая пастанова пачаць збор подпісаў для стварэння партыі. Згодна з законам, іх павінна быць не менш за 10 тыс. Пасля рэгістрацыі палітсілы ў Міністэрстве юстыцыі будуць створаны яе лагатып і сімволіка.

Таксама прэс-служба паведаміла, што Бяссмертны абвясціў пра пастанову ўдзельнічаць у прэзідэнцкіх выбарах ва Украіне ў якасці самавылучэнцаў, паколькі партыя "Рух+380" яшчэ не зарэгістраваная.

Пра намер балатавацца ў прэзідэнты Украіны Бяссмертны абвесціў 29 траўня. Выбары пройдуць 31 сакавіка.

Бяcсмертны быў дэпутатам Вярхоўнай Рады чатырох скліканняў. У 2005 годзе працаваў віцэ-прэм'ерам у пытаннях адміністрацыйна-тэрытарыяльнай рэформы. У 2010–2011 гадах – амбасадар Украіны ў Беларусі. У 2015–2016 гадах быў прадстаўніком Украіны ў палітычнай падгрупе трохбаковай кантактнай групы для ўрэгулявання сітуацыі на Данбасе.