Ля берагоў Інданэзіі адбыўся моцны землятрус

• 6.01.2019, 21:52

Землятрус магнітудай 6,6 адбыўся недалёка ад інданэзійскай выспы Хальмахеры.

Падземныя штуршкі магнітудай 6,6 у нядзелю, 6 студзеня, зафіксаваныя ля берагоў Інданэзіі, паведамляецца на старонцы Геалагічнай службы ЗША ў Facebook.

Яго эпіцэнтр знаходзіўся на глыбіні 60 км, за 151 км ад інданэзійскага горада Табэла. На гэты момант няма паведамленняў аб пацярпелых у выніку землятрусу, паведамляе РБК.

У канцы снежня 2018 гадоў ў Зондскай пратоцы Інданэзіі паміж выспамі Явай і Суматрай узнікла цунамі, прычынай якога мог стаць падводны апоўзень праз выбух вулкана Кракатаў. Тады ахвярамі навалы сталі 373 чалавекі, яшчэ 1459 пацярпелі.

Акрамя таго, ад цунамі адбылося 350 катастроф караблёў, а таксама былі пашкоджаныя 556 дамоў і дзевяць гатэляў.