МЗС Чэхіі: Мы вітаем устанаўленне міру ў Вэстэросе

• 21.05.2019, 13:38

Міністэрства замежных спраў Чэхіі адрэагавала на фінал серыяла «Гульня прастолаў».

МЗС Чэхіі адрэагавала на заканчэнне папулярнага тэлевізійнага серыяла «Гульня тронаў», які выходзіў на тэлеэкранах з 2011 года.

Пра гэта паведамляе "Европейская правда".

«Міністэрства замежных спраў вітае заканчэнне доўгай грамадзянскай вайны ў заходніх землях. Мы разглядаем абранне Брандона Старка як пазітыўны крок да ўмацавання стабільнасці ў каралеўстве і паляпшэння ўмоў жыцця насельніцтва», - адзначыла міністэрства на сваёй афіцыйнай Facebook-старонцы, раскрыўшы важны паварот сюжэту фінальнай серыі.

Гэта паведамленне на сваёй Facebook-старонцы распаўсюдзіў кіраўнік МЗС Чэхіі Томаш Петршычэк з каментаром: «Часам дыпламатыя - гэта радасць».

У сваім Twitter кіраўнік чэшскай дыпламатыі таксама адзначыў: «І сёння ёсць адна добрая навіна. Вайна скончылася, і мы вітаем гэта з палёгкай».

Карыстальнікі сацсетак падыгралі міністэрству і засыпалі яго пытаннямі.