У Барбадосе пачаўся трэці раўнд перамоваў уладаў і апазіцыі Венесуэлы

• 31.07.2019, 21:40

31 ліпеня пачаўся трэці раўнд у рамках «механізму Осла».

Прадстаўнік апазіцыйнай дэлегацыі і дэпутат Нацыянальнай асамблеі Баліварыянскай Рэспублікі Сталін Гансалес заявіў, што на выспе Барбадас пачаўся трэці раўнд перамоваў паміж уладамі і апазіцыяй Венесуэлы.

Пра гэта паведамляе rbc.ua са спасылкай на паведамленне Гансалеса ў Twitter.

З ягоных слоў, сёння, 31 ліпеня, пачаўся трэці раўнд у рамках «механізму Осла».

«Мы пачалі яшчэ адзін раўнд сустрэч у рамках «механізму Осла». Настойваем на пошуку канстытуцыйнага выхаду (з крызісу - рэд.), які пакладзе канец пакутам венесуэльцаў», - напісаў ён.

Гансалес таксама адзначыў, што венесуэльскі народ мае патрэбу «ў пэўных выніках».