Кіраўнік Нацбанка Украіны падаў у адстаўку

• 1.07.2020, 21:45

Якаў Смолій заявіў пра палітычны ціск.

Кіраўнік Нацыянальнага банка Украіны Якаў Смолій напісаў і падаў прэзідэнту Украіны Уладзіміру Зяленскаму заяву пра звальненне ў сувязі з адстаўкай на ўласнае жаданне, паведамляе «Новое время».

«На працягу доўгага часу на Нацыянальны банк Украіны ажыццяўляецца сістэматычны палітычны ціск. Гэта робіць немагчымым эфектыўнае выкананне мной як старшынёй ускладзеных на мяне абавязкаў кіраўніцтва дзейнасцю Нацыянальнага банка і ўзаемадзеяння з іншымі дзяржаўнымі органамі. Сваёй адстаўкай я хачу перасцерагчы ад далейшых спробаў падарваць інстытуцыйныя асновы цэнтральнага банка ва Украіне», - заявіў Смолій.

Рада прызначыла Смолія кіраўніком НБУ 15 сакавіка 2018 года. Да гэтага з траўня 2017 года ён быў выканаўцам абавязку кіраўніка цэнтрабанка на час бестэрміновага адпачынку Валерыі Гонтаравай.