Снег і да -6°С чакаецца ў Беларусі ў суботу

• 8.01.2021, 20:24

У асобных раёнах чакаюцца слабыя туман і галалёд.

Снег і да 6 градусаў марозу чакаецца ў Беларусі 9 студзеня, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У суботу будзе воблачна. Часам будзе ісці снег, мокры снег, уначы і раніцай месцамі моцны снег. У асобных раёнах чакаюцца слабыя туман і галалёд. Вецер прагназуецца пераменных напрамкаў слабы з узмацненнем да ўмеранага.

Тэмпература паветра на працягу дня складзе ад нуля да мінус 6 градусаў.