Пачалася серыйная вытворчасць электрагрузавіка Tesla Semi

• 13.12.2021, 20:04

Пакуль дробнымі партыямі.

Электрычны цягач Tesla Semi знялі на заводзе ў Невадзе падчас выпрабаванняў. Невялікі ролік быў апублікаваны на YouTube. Сцвярджаецца, што на відэа – серыйная версія электрычнага грузавіка.

Пра гэта паведамляе РБК-Украіна са спасылкай на Twitter Соера Мэрыта.

Выпрабаванні электрычнага грузавіка Tesla Semi ўдалося зняць на камеру дрона. Аўтар відэа Соер Мэрыт сцвярджае, тэсты праводзіліся на заводзе кампаніі ў Невадзе – грузавік праводзіў некаторыя базавыя тэсты, уключаючы паскарэнне, тармажэнне, развароты і кругі.

Пакуль дробнымі партыямі: пачалася серыйная вытворчасць электрагрузавіка Tesla Semi

Мэрыт сцвярджае, што дробнасерыйная вытворчасць Tesla Semi на прадпрыемстве ўжо стартавала. Праўда, пра масавую вытворчасць размова пакуль не ідзе – яна пачнецца толькі ў наступным годзе.

Мяркуецца, што гаворка ідзе пра невялікую партыю машынаў, якія прызначаюцца для PepsiCo. Раней кіраўнік гэтай кампаніі Рамон Лагуарт заявіў, што ягоная кампанія атрымае грузавікі яшчэ да канца года. Сітуацыя атрымала скандальнае прадаўжэнне, таму што кіраўнік Tesla Ілан Маск адразу ж аспрэчыў словы топ-мэнэджара.

У склад сілавой устаноўкі машыны ўвойдуць чатыры электрарухавікі, да 100 км/г грузавік зможа паскорыцца ўсяго за 5 секундаў. Дзякуючы мадэрнізаваным акумулятарам, электрычны цягач Tesla Semi можа праязджаць без падзарадкі да 1 тысячы кіламетраў. Раней гэты лік складаў ад 500 да 800 км.

Пакуль дробнымі партыямі: пачалася серыйная вытворчасць электрагрузавіка Tesla Semi

Прататып навінкі дэбютаваў яшчэ ў лістападзе 2017 года. Першапачаткова планавалася, што вялікагруз устане на канвеер у 2019-м, аднак пасля гэтага дата пачатку серыйнай вытворчасці не раз адкладалася.