У Беларусі скасавалі самаізаляцыю для кантактаў першага і другога ўзроўняў

• 21.12.2021, 8:03

Новыя правілы набудуць моц 22 снежня

Урад Беларусі выключыў патрабаванне аб самаізаляцыі для кантактаў першага і другога ўзроўняў. Гэта прадугледжана пастановай Саўміна № 727 ад 17 снежня 2021 года.

Згодна з дакументам, самаізаляцыі падлягаюць грамадзяне Рэспублікі Беларусь, замежныя грамадзяне і асобы без грамадзянства, якія маюць інфекцыю COVID-19. Патрабаванне аб самаізаляцыі для кантактаў першага і другога ўзроўняў выключана з пераліку.

Пры гэтым прававым актам устаноўлена, што асобы, якія атрымалі патрабаванні аб выкананні правілаў паводзін самаізаляцыі да ўваходжання ў дзеянне новай пастановы, абавязаныя забяспечыць іх выкананне да заканчэння тэрміну знаходжання ў самаізаляцыі, указанага ў такіх патрабаваннях.

Новыя правілы набудуць моц 22 снежня.