На ўсходзе Аўстраліі наймацнейшая паводка за апошнія 50 гадоў

• 21.03.2021, 20:15

Фотарэпартаж.

На ўсходнім узбярэжжы аўстралійскага штата Новая Паўднёвая Валія дзеля проліўняў здарылася маштабная паводка, паведамляе The Sydnay Morning Herald. Дзяржаўная служба надзвычайных сітуацый краіны ўжо загадала прыкладна 1000 жыхарам паселішчаў Пэнрыта, Джэмісантаўна і Малгоа эвакуавацца, інакш яны апынуцца ў пастцы праз уздым паводкавых вод. Дзеля паводкі ў рэгіёне замкнулі 140 школ, частка дарог і мастоў перацятая, а ў некаторых частках Сіднэя і Новай Паўднёвай Валіі прыпыненая кампанія вакцынацыі. Таксама назіраюцца праблемы з пастаўкамі тавараў у крамы. Прэм'ер-міністарка Новай Паўднёвай Валіі Глэдзіс Бэрэджыклян назвала гэтую паводку найбольшай за апошнія 50 гадоў у рэгіёне, паведамляе gordonua.com.