Лукашэнка лётаў да Пуціна выпрошваць крэдыт

• 13.07.2021, 20:21

Кіраўнік Крамля пагадзіўся толькі на крэдытную падтрымку ў сувязі з падатковым манеўрам у РФ.

Масква і Менск дамовіліся аб новай фінансавай падтрымцы для рэжыму Лукашэнкі, - сказаў сёння прэс-сакратар расейскага прэзідэнта Дзмітрый Пяскоў. Крэдыт будзе дадзены ў сувязі з падатковым манеўрам Расеі, паведамляе «Эхо Москвы».

Акрамя таго, дадаў Пяскоў, на перамовах у Пецярбургу Уладзімір Пуцін і Лукашэнка дамовіліся аб захаванні для Менска кошту на расейскі газ у наступным годзе на ўзроўні гэтага года.

Нагадаем, раніцай 13 ліпеня стала вядома, што Таракан паляцеў у Санкт-Пецярбург на сустрэчу з Уладзімірам Пуціным. Да моманту вылету яго самалёта аб маючай адбыцца сустрэчы не паведамляў ні адзін з бакоў. Сустрэча Пуціна і Лукашэнкі сам-насам доўжылася больш за пяць гадзін, яна была ўжо чацвёртай сёлета.