УСУ знішчылі 10 іранскіх інструктараў, якія навучалі расейцаў карыстацца дронамі-камікадзэ

• 21.10.2022, 19:35

Іранцы вучаць расейцаў выкарыстоўваць іранскія беспілотнікі ў Крыме.

10 іранцаў, якія навучалі расейскіх салдатаў, былі забітыя ўкраінскімі ўдарамі ў расейска-ўкраінскай вайне на мінулым тыдні.

Пра гэта піша The Jerusalem Post са спасылкай на ўласныя крыніцы.

Паведамленні з'явіліся пасля таго, як амерыканскія і ўкраінскія афіцыйныя асобы заявілі, што іранцы вучаць расейцаў выкарыстоўваць іранскія беспілотнікі ў Крыме.

Украінскі нацыянальны цэнтр супраціву заявіў у сераду, што іранскія інструктары назіраюць за тым, як расейскія сілы запускаюць беспілотнікі-камікадзэ з акупаванай украінскай тэрыторыі.