Саакашвілі: Калі Пуцін наважыцца сунуцца ва Украіну, гэта будзе канцом Расейскай імперыі

• 21.02.2022, 21:27

Экс-прэзідэнт Грузіі назваў украінцаў «фарпостам Заходняй цывілізацыі».

Былы прэзідэнт краіны, які знаходзіцца пад вартай у Грузіі, кіраўнік Выканаўчага камітэта рэформ Украіны Міхаіл Саакашвілі мяркуе, што Расня не наважыцца на поўнамаштабнае ўварванне ва Украіну. Пра гэта ён заявіў на пасяджэнні суда ў Грузіі, яго цытата апублікаваная 21 лютага ў Facebook.

«[Прэзідэнт РФ Уладзімір] Пуцін не наважыцца да вас сунуцца, я ў гэтым абсалютна перакананы, але нават калі наважыцца - гэта будзе канцом Расейскай імперыі! У 2014 годзе на Майдане я сказаў, што тут скончыцца Расейская імперыя. І яна сапраўды заканчваецца тут, ва Украіне», - сказаў украінска-грузінскі палітык.

Ён назваў украінцаў «фарпостам Заходняй цывілізацыі».

«Ад украінцаў зараз залежыць і народ Грузіі, і Малдовы, і Польшчы, і Балтыі. І мы пераможам!», - заявіў Саакашвілі.