РФ зладзіла ў Крыме прымусовую мабілізацыю на вайну

• 27.03.2022, 21:05

Мужчыны спрабуюць з'ехаць з паўвыспы.

У часова акупаваным Крыме адбываецца прымусовая мабілізацыя для ўдзелу ў вайне супраць Украіны. Мужчыны спрабуюць пакінуць паўвыспу, аднак РФ закрыла дарогу на мацерыковую частку нашай краіны.

Пра гэта паведамляе РБК-Украіна са спасылкай на амбудсмэна Людмілу Дзянісаву.

Яна расказала, што традыцыйна кампанія набору на паўвостраве павінна стартаваць у красавіку, але ўжо на 29 сакавіка ў Сімферопалі запланавана правядзенне інструктарска-метадычных збораў з кіраўнікамі камісій набору, вайковымі камісарамі раёнаў і іншымі службовымі асобамі і персаналам, якія залучаныя да кампаніі набору.

"Крымчукі ўжо актыўна атрымліваюць позвы. Каб пазбегнуць злачынных загадаў, мужчыны ўзросту набору спрабуюць выехаць з тэрыторыі паўвострава праз РФ, паколькі дарога на мацерыковую частку Украіны закрытая", - паведаміла Дзянісава.

Паводле ейных слоў, сярод тых, каго сілай адпраўляюць на вайну з Украінай, ёсць і крымскія татары, якія не могуць скласці зброю праз пагрозу ўжывання сілы да іх родных.