Новы прэзідэнт Чылі пасяліўся ў непаспяховым раёне краіны

• 13.04.2022, 21:46

Ён плануе палепшыць там узровень жыцця.

Новы прэзідэнт Чылі Габрыэль Борыч пераехаў жыць у непаспяховы раён Юнгай, які знаходзіцца ў горадзе Сант'яга. Ён плануе палепшыць тамака ўмовы жыцця, піша агенцтва Bloomberg.

Борыч заявіў, што ягонае рашэнне пераехаць у Юнгай носіць у тым ліку палітычны характар. «[Улады] хочуць аднавіць тыя раёны, якім сёння пагражаюць ненаедныя забудоўшчыкі, злачынцы або гандляры наркотыкамі», - растлумачыў прэзідэнт.

Паводле звестак агенцтва, жыхары гэтага раёна доўгі час скардзіліся на закінутыя ўчасткі, якія завалены смеццем, шырока развітым гандлем наркатычнымі рэчывамі і цяжкімі ўмовамі пражывання, у якіх, між іншым, знаходзяцца мігранты. Уладальнік мясцовай крамы Алексіс Гадой дадаў, што сітуацыя са злачыннасцю ў Юнгаі апошнім часам пагоршылася, яму даводзіцца зачыняць сваю краму на паўтары гадзіны раней праз тое, што ўначы «робіцца ўсё больш рызыкоўна».

У Чылі кожны лідар самастойна выбірае месца пражывання падчас свайго прэзідэнцкага тэрміна, бо ў краіне адсутнічае афіцыйная прэзідэнцкая рэзідэнцыя. Папярэднія чылійскія лідары жылі ў найбагацейшых раёнах краіны.