Джонсан: Саступкі Пуціну ва Украіне толькі прывядуць да катастрофы

• 21.06.2022, 21:53

Заходнія партнёры павінны гэта ўсведамляць.

Заходнія партнёры павінны ўсведамляць, што саступкі расейскаму прэзідэнту Уладзіміру Пуціну ва Украіне толькі прывядуць да катастрофы.

Пра гэта паведамляе The Telegraph.

Выданне прыводзіць словы афіцыйнага прадстаўніка ўрада Брытаніі, які працытаваў заяву прэм'ера Барыса Джонсана брытанскаму кабінету міністраў.

"Мы не павінны дазваляць нікому меркаваць, што саступкі (расейскаму прэзідэнту, - рэд.) Пуціну прывядуць да чаго-небудзь, акрамя катастрофы. Паколькі гэта можа быць успрынята як узнагарода за неабгрунтаваную агрэсію і падбадзёрыць не толькі Расею, але і яе хаўруснікаў, што будзе ўплываць на бяспеку Вялікабрытаніі і нашу эканоміку", - цытуе ён брытанскага прэм'ера.