Прыхільнікі стварэння войска Японіі атрымалі 2/3 месцаў у парламенце

• 10.07.2022, 21:03

Партыі, якія выступаюць за змену Канстытуцыі Японіі, атрымалі абсалютную большасць у выніку выбараў.

Партыі, якія выступаюць за змену Канстытуцыі Японіі, атрымалі абсалютную большасць у вышэйшай палаце парламента ў выніках выбараў, якія прайшлі ў нядзелю.

Кіроўныя Ліберальна-дэмакратычная партыя і партыя "Камэйта", а таксама "Таварыства абнаўлення Японіі", якое падтрымлівае іх у гэтым пытанні, паводле папярэдніх звестак, зоймуць дзве траціны месцаў. Пра гэта паведамляе svoboda.org са спасылкай на японскія СМІ.

Прыхільнікі змен намагаюць перагляду дзявятага, або так званага мірнага артыкула канстытуцыі. У ім гаворыцца аб адмове Японіі ад уласнага войска і ўдзелу ў войнах. Цяпер у Японіі дзейнічаюць Сілы самаабароны.

Актыўным прыхільнікам змен у Канстытуцыі Японіі быў былы прэм'ер-міністр краіны Сіндза Абэ, забіты днямі пасля замаху.

Пераемнікі Абэ - Ёсіхідэ Суга і дзейны прэм'ер Фуміё Кісіда неаднаразова заяўлялі, што напісаная больш за 70 гадоў таму канстытуцыя не адпавядае бягучым геапалітычным варункам, і Японіі трэба мець уласныя ўзброеныя сілы.