Крэмль і Мінабароны РФ у жаху ад HIMARS: Як змяніўся ход вайны
- 13.07.2022, 8:09
Украінская армія нарошчвае інтэнсіўнасць удараў.
Ужыванне амерыканскіх рэактыўных сістэмаў залпавага агню HIMARS дазволіла Узброеным сілам Украіны павялічыць далёкасць і дакладнасць удараў і, як вынік, эфектыўна знішчыць ужо дзясяткі камандных пунктаў расейскай арміі і склады боепрыпасаў. Запасы акупацыйных войскаў рэзка зменшыліся, і такая сітуацыя пагражае ім "прабуксоўкай" у зоне баявых дзеянняў. Украінскае войска тым часам нарошчвае інтэнсіўнасць удараў, піша obozrevatel.com.
Гары-гары ясна
Сітуацыя апошніх двух-трох тыдняў, калі на часова акупаванай тэрыторыі Украіны сталі ўзлятаць у паветра склады боепрыпасаў расейскай арміі, выклікала сапраўдную паніку і ў "рэспубліках", і ў РФ.
Ужо знішчаныя буйныя склады ў Шахцёрску, Данецку, Луганску, Тарэзе, Новай Кахоўцы і іншых населеных пунктах. Прычым арсенал боепрыпасаў, якія захоўваліся там, быў сапраўды велізарны: дэтанацыя магла доўжыцца суткі.
Пра "незабыўнае ўражанне" аб РСЗА HIMARS цяпер пішуць практычна ва ўсіх расейскіх і "рэспубліканскіх" Telegram-каналах. Прычым часта не забываюць перадаць "прывітанне" тым, хто высмейваў магчымасці заходняга ўзбраення.
"Кожнае ўзбраенне, якое найвышэйшыя палітыкі РФ, камандаванне УС РФ, ваенныя эксперты і медыйка называюць хе*нёй, становіцца легендай, а ягонае імя – намінальным.
Імя Байрактар цяпер вядомае і шануецца ва ўсім свеце. Цяпер мы за лічаныя дні вывучылі абрэвіятуру HIMARS, і наўрад ці пры нашым жыцці яе забудзем.
Хочаш, каб твой брэнд ваеннай тэхнікі стаў легендай – пашлі яго выносіць Тувінскую армію, якая затрымалася ў 1970-х", – з'едліва піша "Бульба престоловъ".
Страх за Расею
Наяўнасць такой высокадакладнай зброі ва Украіны прымусіла расейцаў баяцца не толькі страты ўсіх сваіх складоў боепрыпасаў (якія знаходзяцца ў зоне іх паразы на акупаванай тэрыторыі), але і знішчэння сістэмаў супрацьпаветранай абароны і ўдараў па важных аб'ектах ужо на тэрыторыі РФ. Пра гэта, сярод іншага, піша расейскі палітолаг і прапагандыст Ігар Дзімітрыеў.
"З HIMARSамі якая праблема: ёсць здагадка, што іхнімі цэлямі стануць расейскія СПА ўслед за складамі і штабамі. Дыстанцыя працы дазваляе выявіць размяшчэнне і ўразіць. А што адбудзецца, калі СПА страціць свае магчымасці і не зможа прыкрыць тэрыторыю? Можна будзе атакаваць балістычнымі ракетамі вялікай далёкасці, тыпу ATAC, якія пакуль (ПАКУЛЬ!) не пастаўляюцца Украіне".
У Расеі баяцца HIMARS
Дзімітрыеў мае на ўвазе магчымую пастаўку Украіне ракетаў далёкасцю 300 кіламетраў, што, вядома ж, нясе сур'ёзную пагрозу Расеі.
Пра тое, што ў Крамлі і Міністэрстве абароны Расейскай Федэрацыі сапраўдная паніка праз выкарыстанне ўкраінцамі новых ракетных комплексаў, ужо наўпрост гавораць расейцы.
"АП і ваенныя чыны РФ у жаху ад эфектыўнасці HIMARS, артылерыі, і масава ўкідваюць гісторыі пра продаж (украінскімі вайскоўцамі. – Рэд.) заходняй зброі Расеі. Мэта – затармазіць далейшыя пастаўкі хоць бы на некалькі тыдняў. Але паколькі ў тых колах і ўстановах РФ заходніх сувязных (праз розныя фонды) больш, чым чыстых супрацоўнікаў, планы інфармацыйных аперацый дасягаюць Захаду раней, чым самі інфармацыйныя ўкідванні. У СВР кожны другі нешта камусьці злівае. Ды гэта відавочна нават прафану", – прызнаюцца расейцы.
У Адміністрацыі прэзідэнта РФ паніка
Закаціў сапраўдную істэрыку на сваім канале ў Telegram і расейскі прапагандыст "ваенкар" Сладкоў. Ён паведаміў пра эфектыўнае знішчэнне Узброенымі сіламі Украіны расейскіх цэнтраў прыняцця пастановаў.
"Значыць, глядзіце, людзі добрыя. Украінскія ракетчыкі і артылерыя ўжо некалькі разоў нанеслі ўдары па нашых цэнтрах прыняцця пастановаў. З вынікам. Цэнтры невялікія, але важныя. А пытанне ж у мяне простае: калі гэтае бл**ства скончыцца? Вы можаце выя**ць ВПК, каб у нас нарэшце прафілактычныя штучкі-тручкі з'явіліся?!" – запытвае Сладкоў, распісваючыся ў немагчымасці войска РФ супрацьстаяць працы тых жа РСЗА HIMARS.
Камандаванне – на бальнічку
Ужыванне высокадакладнай зброі ўжо прывяло да частых выпадкаў дэзерцірства з расейскіх акупацыйных войскаў – прычым некаторыя салдаты былі расстраляныя. А пасля эфектыўных удараў УСУ па аб'ектах у Херсонскай вобласці камандаванне акупантаў і зусім пачало рассяляцца па лякарнях – у надзеі, што ўжо там вось можна схавацца ад "бясшумнай смерці".
Такая інфармацыя з'явілася ў Telegram-канале "Джокер", яе пацвердзілі і ў выведцы.
Акупанты хаваюцца ад HIMARS
"У Херсоне найвышэйшае кіраўніцтва оркаў ад сёння пачало рассяляцца па лякарнях.
Другое войска свету схавалася ад HIMARS у лякарнях сярод мірных людзей. Другое войска свету не давярае сваім СПА.
А звычайныя радавыя оркі другой арміі свету хай дохнуць ад HIMARS", – з іроніяй піша "Джокер".
Тым часам Узброеныя сілы Украіны ювелірна дакладна і планамерна прадаўжаюць знішчаць склады боепрыпасаў і камандныя пункты расейскіх акупантаў – дзеля выратавання жыцця ўкраінцаў і перамогі ў развязанай Крамлём вайне. У паразе Расеі сумневаў няма – пытанне толькі ў часе.