Генштаб УСУ: У небе Беларусі ля межаў Украіны вартуе расейскі самалёт-наводчык

• 15.07.2022, 19:05

Ёсць пагроза таго, што прадоўжацца ракетныя абстрэлы гарадоў і сёлаў Украіны з беларускай паветранай прасторы.

У паветранай прасторы Беларусі каля межаў з Украінай адзначаецца варта самалёта далёкага радыёлакацыйнага выяўлення А-50У Паветрана-касмічных сілаў УС РФ. Апошні раз ён быў заўважаны нашымі вайскоўцамі 11 ліпеня.

Як піша «Уніян», пра гэта паведамляе Генеральны штаб УСУ ў вечаровай зводцы пра сітуацыю на фронце на стан 15 ліпеня.

Самалёт-наводчык расейцаў зафіксавалі на Валынскім і Палескім напрамках. Таксама, як зазначаецца ў зводцы, ёсць пагроза таго, што прадоўжацца ракетныя абстрэлы гарадоў і вёсак Украіны з беларускай паветранай прасторы.