У футбольным клубе «Тарпеда-БелАЗ» увялі фіксаваны працоўны дзень

• 21.07.2022, 20:30

Каманда павінна знаходзіцца на базе сем гадзін.

Паводле інфармацыі «Трыбуны», з 30 чэрвеня ў «Тарпеда-БелАЗ» увялі правіла, паводле якога на базе каманда (і штаб, і гульцы) павінны з'яўляцца не пазней за 9 раніцы незалежна ад часу пачатку трэнінгу. Дабірацца на базу можна самастойна альбо на клубным аўтобусе. Акрамя таго, за факт прыезду неабходна распісацца ў спецыяльным журнале.

Сканчаецца працоўны дзень у «Тарпеда-БелАЗ» цяпер а 16:00. Пакідаючы базу, гульцы і трэнерска-адміністрацыйны штаб таксама павінны адзначыцца ў журнале.

Таксама кіраўніцтва клуба прызначыла адказнага за дысцыпліну на базе - ім стаў начальнік базы, які павінен сачыць за абстаноўкай на аб'екце і за настроямі ў калектыве. Цяперашнім начальнікам базы з'яўляецца стрыечны брат генеральнага дырэктара БелАЗа Сяргея Нікіфаровіча.