ЗША дадуць Украіне ўзбраенне на $ 100 млн

• 20.11.2023, 21:28

Пентагон раскрыў змесціва новага пакету.

Міністр абароны ЗША Лойд Осцін падчас візіту ў Кіеў у панядзелак, 20 лістапада, анансаваў пакет ваеннай дапамогі Украіне на 100 млн даляраў.

Як паведамляе «Голас Амерыкі», у пакет дапамогі ўвойдуць артылерыйскія боепрыпасы, перахопнікі для супрацьпаветранай абароны і супрацьтанкавая зброя.

У Пентагоне паведамілі, што пакет уключае:

зенітныя ракеты Stinger;

сістэму РСЗА HIMARS і боепрыпасы да яе;

155-мм і 105-мм артылерыйскія боепрыпасы;

ракеты TOW;

супрацьтанкавыя комплексы Javelin і AT-4;

больш за 3 млн патронаў да стралковай зброі;

падрыўныя боепрыпасы для пераадолення перашкодаў;

зімовы рыштунак;

запчасткі, тэхабслугоўванне і гэтак далей.

Прэзідэнт Украіны Уладзімір Зяленскі ў вечаровым звароце сказаў, што новы абаронны пакет ад ЗША ўключае артылерыйскія снарады, неабходныя Украіне, але не ўдакладніў падрабязнасці.