За час вайны расейцы не знішчылі ніводнага HIMARS

• 3.05.2023, 21:37

Мінабароны Украіны паказала, як захоўвае амерыканскія рэактыўныя сістэмы залпавага агню.

Мінабароны Украіны паказала, як захоўвае амерыканскія рэактыўныя сістэмы залпавага агню HIMARS, а таксама паведаміла, што да гэтага часу не было знішчана ніводнай устаноўкі.

Як інфармуе Цензор.НЕТ, на відэа, апублікаваным Мінабароны, украінскі баец звяртаўся да акупантаў на расейскай мове.

«Расейскі салдат! Мяне клічуць капітан Хаймарс. І я трымаю сваё слова. Я не б'ю па размяшчэнні тых сектараў, адкуль я атрымліваю каардынаты бронятэхнікі і складоў з БК», – сказаў вайсковец.

Баец падкрэсліў, што расейскае камандаванне падманвае сваіх салдатаў, пераконваючы іх у тым, што ўстановак HIMARS «амаль не засталося».