«Дзе РЭБ? Дзе СПА?»: расейцы зладзілі істэрыку праз выбухі ў порце Усць-Лугі

• 21.01.2024, 13:16

Шукаюць дыверсантаў «пад бокам».

Расейцы зладзілі істэрыку праз выбухі ў порце ў пасёлку Усць-Лузе Ленінградскай вобласці. Яны абураюцца, што СПА акупантаў прапусціла ўдар, а некаторыя мараць аб атаках па Вялікай Брытаніі і Францыі.

Гнеўныя каментары грамадзяне краіны-агрэсаркі пакінулі пад навіной аб тым, што пажар у тэрмінале порта Усць-Луга «адбыўся праз два выбухі». «Ну чэ за х**ня, дзе РЭБ, дзе СПА?!», «Два выбухі, не збілі, СПА? Не, не чуў», – пішуць яны.

Іншыя заявілі, што Чарнігаўскую і Сумскую вобласць Украіны, адкуль войскі РФ уцяклі вясной 2022 года, «неабходна зрабіць расейскімі і тады да Піцера нічога не даляціць». Пры гэтым адзін з расейцаў дапусціў, што БПЛА маглі запусціць «дыверсанты непадалёк».

Акрамя таго, некаторыя запатрабавалі «цвёрдага адказу» на напад.

«Кіеў зраўняць з зямлёй, колькі можна трываць», «Толькі ядзерныя ўдары супакояць назаўжды», «Калі будзе гарэць у Англіі і Францыі?», - пішуць абураныя расейцы.

Нагадаем, у ноч на 21 студзеня ў Ленінградскай вобласці РФ паскардзіліся на новы напад БПЛА. Там чулі гукі дронаў, пасля чаго прагрымелі выбухі ў раёне тэрмінала марскога гандлёвага порта ў пасёлку Усць-Лузе на беразе Фінскай затокі Балтыйскага мора.

Пазней улады заявілі, што пажар адбыўся ў тэрмінале кампаніі «Новатэк», якая выпускае нафту, газу, дызельную фракцыю і мазут.

На 9 раніцы губернатар Ленінградскай вобласці Аляксандр Драздзенка заявіў, што пажар лакалізаваны.

«Ратавальнікі далі справаздачу аб лакалізацыі ўзгарання на тэрмінале «НОВАТЭК» у порце Усць-Луга. Узровень пажару паніжаны да 2», - напісаў ён у сваім Telegram-канале.

А кіраўнік Кінгісепскага раёна вобласці Юрый Запалацкі ўдакладніў, што пажар у тэрмінале порта Усць-Луга пачаўся праз два выбухі.