Беларусы замаскавалі цыгарэты пад крыгу і выправілі ў Літву па Нёмане

• 24.01.2024, 21:14

Фотафакт.

Кантрабандысты спрабавалі пераправіць партыю цыгарэтаў з Беларусі ў Літву, замаскаваўшы яе пад крыгу. Пра гэта паведамілі ў Дзяржаўнай памежнай службе Літвы.

Памежнікі заўважылі ў Нёмане крыгу, якую несла па плыні ракі. Яны спусцілі службовы катар на ваду і выцягнулі падазроны прадмет на бераг.

Высветлілася, што такім чынам кантрабандысты спрабавалі пераправіць цыгарэты з Беларусі ў Літву. Яны абгарнулі цыгарэты белым поліэтыленам, пасля чаго засыпалі зверху снегам і лёдам.

Выявіўшы беларускую «пасылку», памежнікі выявілі 1498 пачкаў цыгарэтаў «Фэст» і два пачкі «Менск Капітал QS».