У Малдове апублікавалі фінальныя вынікі еўрарэферэндуму

• 21.10.2024, 19:38

Розніца менш за 1%.

На кансультацыйным рэферэндуме большасць грамадзянаў Рэспублікі Малдова падтрымала інтэграцыю краіны ў Еўрапейскі Звяз. Розніца склала менш за 1%.

Пра гэта паведамляе Charter97.org са спасылкай на сайт Цэнтральнай выбарчай камісіі Малдовы.

Усяго было апрацавана 2219 пратаколаў, што адпавядае стаадсоткавай колькасці.

Так, уступленне краіны ў ЕЗ падтрымалі 50,46 адсотка, а супраць такой пастановы выказаліся 49,54 адсотка грамадзянаў.

У нядзелю, 20 кастрычніка, у Рэспубліцы Малдова адбыліся выбары прэзідэнта. Адначасова грамадзяне выказваліся наконт унясення змяненняў у Канстытуцыю аб уступленні краіны ў Еўрапейскі Звяз.

Паводле вынікаў 100 адсоткаў бюлетэняў, на выбарах большасць галасоў набрала дзейная кіраўніца дзяржавы Мая Санду – 42,45 адсотка. Яе ключавы апанент Аляксандр Стаянагло атрымаў 25,98%.