У Шайгу пахваліліся «высокадакладным» ударам па Кіеве і былі высмеяныя нават расейцамі

• 21.03.2024, 15:22

Крэмль працягвае цынічна хлусіць, аб ударах па "цэнтрах прыняцця пастаноў".

У Мінабароны Расеі, якое ўзначальвае Сяргей Шайгу, пракаментавалі ракетную атаку на Кіеў раніцай 21 сакавіка. Там пахваліліся, што ўдар «высокадакладнай» зброяй быў нанесены па “цэнтрах прыняцця пастаноў УСУ”.

Як піша obozrevatel.com, пра гэта паведамілі ў расейскіх СМІ. Аднак у такія заявы ўладаў РФ перасталі верыць нават звычайныя расейцы.

Мінабароны Расеі далей цынічна хлусіць, пра ўдары нібыта па "цэнтрах прыняцця пастаноў". Напраўду расейскія тэрарысты атакуюць жылыя дамы, дзіцячыя садкі і іншую грамадзянскую інфраструктуру ва Украіне.

"Расейскае войска ноччу нанесла ўдар высокадакладнай зброяй, у тым ліку ракетамі "Кінжал", па цэнтрах прыняцця пастаноў УСУ", – заявілі ў ведамстве.

У сацсетках расейцы высмеялі заяву ведамства. Яны пішуць, што Мінабароны РФ ніколі не пацвярджае свае гучныя словы сапраўднымі вынікамі, фота ці відэа.

"А вынік?"; "Хоць бы фота, відэа справаздачу"; “Мяркуючы з фота, білі па ходніках і дварах жылых кварталаў”; "Нахабная хлусня, бо вядома, што па цэнтрах прыняцця пастаноў удары ніколі не наносяцца"; "Па Амерыцы стукнулі ці што?"; "Цэнтры прыняцця пастаноў ведаюць, што па іх удар нанеслі?" - пішуць расейцы.