Украінскі дрон прымусіў уцякаць 20 акупантаў

• 20.08.2024, 21:20

Відэафакт.

Абаронцы з падраздзялення Pentagon 225-га асобнага штурмавога батальёна дронам атакавалі лесапаласу, дзе акурат хавалася 20 расейскіх захопнікаў.

Відэа баявой працы яны абнародавалі на сваім тэлеграм-канале.

“Сучасная вайна - вайна дронаў. На гэтым відэа мы знялі выдатны прыклад таго, што дроны - гэта тое, што трэба нам у вялікіх аб'ёмах і шмат іх не будзе ніколі. Усяго адзін скід прымусіў іх уцякаць з поля, у процілеглым ад бою кірунку. Проста ўявіце, мы вызвалілі некалькі кіламетраў зямлі не падстаўляючы пад небяспеку нашу пяхоту”, - адзначылі абаронцы.