Паветраныя сілы Украіны збілі расейскі «Арыён» на Курскім кірунку

• 31.08.2024, 22:29

Ён вылучаецца вялікай працягласцю палёту.

Сёння, 31 жніўня, украінскія вайскоўцы збілі расейскі дрон «Арыён». Варожы беспілотнік быў збіты на Курскім кірунку, паведамляюць Паветраныя сілы УС Украіны.

«Арыён» — гэта сярэдневышынны беспілотнік вялікай працягласці палёту. Знаходзіцца на ўзбраенні расейскага войска з 2020 года.

Бартавое абсталяванне прызначанае для візуальнай, радыёлакацыйнай або радыётэхнічнай выведкі з магчымасцю працяглага патрулявання ў ваколіцы.

Тэхнічныя характарыстыкі:

Вага беспілотніка — 1150 кг.

Баявое ладаванне — 200 кг.

Магчымае ўсталяванне да чатырох баявых прыпасаў рознага прызначэння, у тым ліку і ракет "паветра-паверхня".

Заўважым, што Паветраныя Сілы ўжо збівалі БЛА гэтага тыпу на іншых кірунках.