Трамп перадумаў сустрэцца з Сі Цзіньпінам

• 10.10.2025, 19:07

Прэзідэнт ЗША заявіў, што сустрэча «больш не мае сэнсу».

Прэзідэнт ЗША Дональд Трамп паведаміў, што больш не бачыць сэнсу ў сустрэчы са старшынём КНР Сі Цзіньпінам. Сваю заяву ён апублікаваў у сацсетцы Truth Social.

«Я павінен быў сустрэцца з прэзідэнтам Сі праз два тыдні на саміце АТЭС у Паўднёвай Карэі, але цяпер, здаецца, у гэтым няма ніякага сэнсу», — заявіў Трамп.

Амерыканскі лідар растлумачыў гэта тым, што Кітай «рассылае лісты» краінам па ўсім свеце, заяўляючы пра намер узмацніць экспартны кантроль у сферы рэдказямельных металаў. Трамп дадаў, што падобныя пасланні з боку Пекіна «былі асабліва недарэчнымі» на фоне перамір'я паміж Ізраілем і палестынскім радыкальным рухам ХАМАС.