Беларускі пенсіянер вылічыў махляроў

• 21.10.2025, 21:15

Афера на $10 000 не ўдалася.

Пенсіянеру патэлефанаваў нібыта аператар сотавай сувязі, які пацікавіўся, ці падключаў мужчына перанакіраванне званкоў на сваёй прыладзе, расказалі ў ГУУС Мінгарвыканкама.

Калі званіўшы атрымаў адмоўны адказ, папрасіў надыктаваць пашпартныя звесткі, каб адключыць паслугу.

Пазней у мэсэнджары патэлефанаваў ілжаправаахоўнік і паведаміў, што асабістымі дадзенымі менчука скарысталіся махляры і ад яго імя праводзяць незаконныя фінансавыя аперацыі.

Ён таксама пацікавіўся пра наяўнасць грошай дома і пагразіў вобыскам у кватэры. Пенсіянер расказаў пра банкаўскія рахункі і пра зберажэнні ў памеры 10 000 долараў ЗША.

«Калі заяўніка пераключылі на нібыта прадстаўніка Нацбанка, які пачаў настойваць на пераказе наяўных сродкаў на спецыяльны рахунак, пенсіянер зразумеў, што яго падманваюць, і паведаміў у міліцыю», — расказалі ў ГУУС.

Па гэтым факце распачата крымінальная справа.