Трамп папросіць Сі Цзіньпіна націснуць на Расію

• 27.10.2025, 22:56

Пекін можа дапамагчы завяршыць вайну РФ ва Украіне.

Прэзідэнт ЗША Дональд Трамп падчас маючай адбыцца сустрэчы можа папрасіць старшыню КНР Сі Цзіньпіна узмацніць ціск на Расію. Пра гэта заявіў пастаянны прадстаўнік ЗША пры НАТА Мэцью Уітакер у эфіры тэлеканала Fox News.

«У іх [Трампа і Сі] ёсць шмат тэм для абмеркавання. Галоўнае, каб Кітай апынуўся сярод тых, хто націсне на Расію, каб вайна скончылася», — сказаў Уітакер.

25 кастрычніка Дональд Трамп заявіў, што мае намер абмеркаваць з кітайскім лідарам на наступным тыдні тэмы скарачэння закупак Кітаем расійскай нафты.