Трамп заявіў пра замову «твора мастацтва» для Узброеных сіл ЗША

• 11.11.2025, 21:41

ЗША замовілі мноства абноўленых версій бамбардзіроўшчыкаў B-2.

Прэзідэнт Амерыкі Дональд Трамп падчас выступу на Арлінгтонскіх могілках з нагоды Дня ветэранаў заявіў, што ЗША нядаўна замовілі мноства «твораў мастацтва» для Узброеных сіл краіны — абноўленых бамбардзіроўшчыкаў B-2.

Трамп адзначыў, што гэтыя бамбардзіроўшчыкі «цудоўныя», і ўся краіна іх паважае, асабліва пасля іх дзеянняў у Іране.

«Якую працу яны зрабілі, у адно імгненне цалкам знішчыўшы ядзерны патэнцыял Ірана», — дадаў прэзідэнт Амерыкі.