Такер Карлсан: Трамп абвясціць вайну Венесуэле падчас звароту да нацыі

• 17.12.2025, 22:40

Дні Мадура злічаныя?

Амерыканскі журналіст Такер Карлсан у падкасце Judging Freedom заявіў, што прэзідэнт ЗША Дональд Трамп можа абвясціць вайну Венесуэле падчас запланаванага звароту да нацыі ў Авальным кабінеце.

Паводле яго слоў, адзін з чальцоў Кангрэса расказаў яму, што заканадаўцаў напярэдадні праінфармавалі пра «неадваротную вайну» з Венесуэлай.

«Вось што мне вядома на гэты момант: учора чальцоў Кангрэса праінфармавалі, што набліжаецца вайна, і што пра гэта будзе абвешчана сёння а дзявятай вечара ў звароце прэзідэнта да нацыі (05:00 па Мінску). Ці адбудзецца гэта насамрэч — хто ведае? Я не ведаю. І я не хачу перабольшваць абсяг сваіх ведаў — ён, у цэлым, даволі абмежаваны, — але менавіта гэта сёння раніцай паведаміў мне адзін з чальцоў Кангрэса», — сказаў Карлсан аўтару падкаста Эндру Напалітана.