«Для Беларусі гэта крытычна важна»

• 6.12.2025, 16:47

Украінскі генерал даў параду Літве.

Інстытут вывучэння вайны (ISW) заявіў, што ўварванні аэрастатаў у паветраную прастору Літвы могуць быць часткай расійска-беларускіх правакацый у межах так званай «нулявой фазы» падрыхтоўкі да магчымага канфлікту з НАТА.

Генерал-маёр СБУ ў адстаўцы Віктар Ягун лічыць, што ў Вільнюса ёсць дзейсны інструмент для ціску на Лукашэнку. Пра гэта ён расказаў у інтэрв'ю сайту Charter97.org:

— Неабходна проста закрыць мяжу. Для Беларусі гэта крытычна важна.

Калі закрыць мяжу, калі не прапускаць цягнікі, не прапускаць увогуле нічога прынамсі тыдзень, думаю, адразу ж прыйдзе нейкая «адказка» з Кітая, які спытае ў беларусаў: «Дык вы ж казалі, што ў вас транзітная краіна».

Я думаю, што Беларусь ад гэтага вельмі крытычна залежыць — менавіта ад таго, як і куды пастаўляць свае тавары. І не ўсё можна праз Расію прапускаць. Думаю, што калі б такое жорсткае рашэнне было прынята, колькасць гэтых метэазондаў проста б скарацілася ў разы.