Шасцікласніца з Віцебска дапамагла выратаваць пасажырку падчас палёту

• 6.12.2025, 13:14

У яе здарыўся сардэчны прыступ.

Беларуская шасцікласніца з віцебскай гімназіі № 8 Соня Вдовенка разам з мамай Аленай ляцела з Егіпта 11 лістапада. У нейкі момант у расійскай пасажыркі здарыўся сардэчны прыступ. На борце апынуўся лекар, але ён не валодаў англійскай мовай. Дзяўчынка выклікалася дапамагчы і перакладала яго словы экіпажу самалёта, піша газета «Віцебскія весці».

Лекар з расійскага горада Уладзімір Ігар Іспраўнікаў аказваў дапамогу пасажырцы Галіне Рязанавай. А Соня перадавала па-англійску ўказанні лекара стюарду борта.

«Валодаючы добрым веданнем англійскай мовы, яна стала незаменным сувязным звяном паміж лекарам і замежнымі членамі экіпажа, а таксама іншымі пасажырамі, якія маглі дапамагчы», — піша раённая газета.

Муж Галіны, палкоўнік у адстаўцы, напісаў у авіякампанію падзячны ліст, у якім адзначыў: «Наша сям'я заўсёды будзе памятаць пра гэты высакародны ўчынак Соні Вдовенкі».