Стала вядома, якія тавары беларусы часцей за ўсё купляюць у інтэрнэце

• 24.08.2025, 19:58

На трэцім месцы - аўтазапчасткі.

Нацыянальны статыстычны камітэт апублікаваў афіцыйныя звесткі аб самых папулярных катэгорыях інтэрнэт-набыткаў у краіне, паведамляе БелТА.

Паводле справаздачы, лідарам стала адзенне - на яго прыпадае блізу 18% усіх онлайн-замоў. На другім месцы знаходзіцца бытавая тэхніка (16%), а трэцюю пазіцыю займаюць аўтазапчасткі (9%).

Статыстыка фармуецца на аснове справаздачнасці ўсіх арганізацый, якія працуюць у сферы інтэрнэт-гандлю. Штоквартальна кампаніі падаюць звесткі аб раздробным тавараабарачэнні, размяркоўваючы яго па таварных групах. Так фіксуецца, колькі, напрыклад, было прададзена адзення або тэхнікі праз онлайн-каналы.