Келаг расказаў, чаму ўкраінцы называюць яго «катом»

• 13.09.2025, 20:26

Спецпрадстаўнік Трампа таксама прызнаў сваю ролю як сістэмы СПА.

Спецпрадстаўнік прэзідэнта ЗША Кіт Келаг прызнаў сваю ролю як сістэмы СПА падчас візітаў ва Украіну.

Пра гэта гаворыцца на яго старонцы ў сацсетцы Х.

Келаг расказаў пра свой «цудоўны візіт і дыскусію з генералам ГУР Буданавым ля статуі Ката».

«Кот» — унікальны сімвал для ўкраінскага народа. Сімвал бяспекі і абароненасці. Паколькі «кот» па-ўкраінску гучыць як «кіт», украінцы празвалі маю ролю як Спецыяльнага пасланца Келага «катом». Калі «Кіт» наведвае Украіну, Расія прыпыняе свае ўдары па мірным насельніцтве, даючы яму некалькі начэй спакою. Спакою, які моцная Амерыка прапануе іншым краінам», — напісаў Келаг.

Прэзідэнт Украіны Уладзімір Зяленскі напярэдадні расказаў прадстаўніку прэзідэнта ЗША Кіту Келагу пра тое, як ягоныя прыезды ва Украіну спыняюць паветраныя атакі на Украіну.

«Хачу падзякаваць генералу Келагу. Мы ведалі, што ў ЗША ёсць СПА, мацнейшая за Patriot», — заявіў ён, пасля чаго з усмешкай дадаў: «Мы б хацелі яшчэ некалькі такіх сістэм для нашай дзяржавы».