Калі беларусы могуць замяніць працоўны адпачынак грашовай кампенсацыяй?

• 15.09.2025, 11:39

Патлумачылі эксперты.

Калі можна замяніць працоўны адпачынак грашовай кампенсацыяй? - спытала у «АіФ» жыхарка Слуцка.

Як патлумачылі ў Мінпрацы і сацабароны, кампенсацыя замест адпачынку магчымая, калі вас адклікалі з адпачынку і вы ўжо выкарысталі не менш як 14 дзён адпачынку ў гэтым годзе, а таксама калі вы звальняецеся (тады выплачваюць кампенсацыю за ўсе нявыкарыстаныя дні адпачынку).

У Мінпрацы нагадалі алгарытм дзеянняў, калі просяць выйсці з адпачынку раней.

У астатніх выпадках можна кампенсаваць толькі дні адпачынку звыш 21 дня. І толькі ў тым выпадку, калі адпачынак прадастаўляецца не авансам і на гэта згодны наймальнік.

Забараняецца кампенсаваць адпачынак:

- работнікам шкодных і небяспечных вытворчасцей;

- тым, хто працуе ў зоне радыеактыўнага забруджвання;

- цяжарным і непаўналетнім супрацоўнікам.