Спадарожнік зняў пажар на складзе Ozon у Дагестане

• 24.08.2026, 17:45

Гэта адзін з найбуйнейшых складаў маркэтплэйса.

У сеціве з’явіліся спадарожнікавыя кадры палаючага пасля атакі беспілотнікаў размеркавальнага цэнтра маркэтплэйса Ozon пад Махачкалай. Кадры апублікавала расійская служба «Радыё Свабода».

На фота відаць, што значная частка аб’екта плошчай больш за 130 тысяч квадратных метраў ужо выгарэла. Гэта адзін з найбуйнейшых складаў маркэтплэйса, пабудаваны летась.

Расійскія СМІ паведамлялі, што на тле пажару акцыі OZON на Маскоўскай біржы раніцай у панядзелак упалі на 28%.

Напярэдадні паведамлялася, што ўначы на 24 жніўня беспілотнікі атакавалі лагістычныя цэнтры расійскага маркэтплэйса Ozon у Стаўрапольскім краі, Адыгеі і Дагестане. На аб’ектах узніклі пажары.