Зяленскі прызначыў прадстаўніка Украіны пры Еўрасаюзе

• 10.10.2026, 2:07

Пасаду атрымаў Тарас Качка.

9 кастрычніка прэзідэнт Украіны Уладзімір Зяленскі прызначыў Тараса Качку прадстаўніком Украіны пры ЕС і Еўрапейскай супольнасці па атамнай энергетыцы.

Адпаведны ўказ Зяленскага № 1034/2026 апублікаваны на сайце Офіса Прэзідэнта.

«Прызначыць Качку Тараса Андрэевіча прадстаўніком Украіны пры Еўрапейскім саюзе і Еўрапейскай супольнасці па атамнай энергетыцы», — гаворыцца ў дакуменце.

16 ліпеня ў Кабінеце Міністраў змяніўся віцэ-прэм’ер-міністр па пытаннях еўрапейскай і еўраатлантычнай інтэграцыі. Замест Тараса Качкі гэтую пасаду заняў былы пастаянны прадстаўнік Украіны пры ЕС Усевалад Чэнцоў.

17 ліпеня прэзідэнт Украіны Уладзімір Зяленскі паведаміў, што Качка стане прадстаўніком Украіны пры Еўрасаюзе і будзе сумяшчаць гэтую працу з пасадай гандлёвага прадстаўніка Украіны ў межах двухбаковых пагадненняў з партнёрамі.