У НАТА зрабілі заяву пра сваю новую «тэорыю перамогі» і Калінінград

• 10.10.2026, 13:14

Дактрына прадугледжвае хуткі разгром ворага ў выпадку агрэсіі.

У НАТА не плануюць блакаваць Калінінград, які належыць Расіі.

Такую заяву ў інтэрв’ю газеце La Repubblica зрабіў Джузэпэ Каво Драгонэ, які займае высокую пасаду ў Альянсе.

Паводле слоў Драгонэ, на ўсходнім фланзе НАТА зараз сітуацыя кантраляваная. Ён нагадаў пра гібрыдныя атакі РФ на еўрапейскія краіны і пра ядзерную рыторыку Крамля. Ён адкінуў абвінавачанні Масквы ў тым, што Паўночнаатлантычны альянс нібыта хоча блакаваць Калінінград.

«НАТА не распрацоўвае блакаду Калінінграда. Паведамленні пра такую пагрозу грунтуюцца на неісным сцэнары. Гэта робіцца дзеля таго, каб запалохаць і пасеяць разлад (у Альянсе — прым. рэд.)», — падкрэсліў Драгонэ.

Драгонэ адзначыў, што НАТА — гэта абаронная арганізацыя, якая не плануе ні на каго нападаць. Але Альянс «мацнейшы за любога праціўніка».

12 кастрычніка 2026 года Вярхоўны галоўнакамандуючы Аб’яднанымі ўзброенымі сіламі НАТА ў Еўропе Алексус Грынкевіч у Польшчы прадставіць новую «тэорыю перамогі», распрацаваную Альянсам.

Драгонэ кажа, што новая дактрына прадугледжвае хуткі разгром ворага ў выпадку агрэсіі, што павінна стаць стрымлівальным фактарам. Супраціўнік павінен быць перакананы ў непазбежнасці правалу агрэсіі супраць краін НАТА.