Лідарка нямецкіх «Зялёных» рэзка выказалася аб пагадненні Трампа з Пуціным

• 10.10.2026, 18:33

Паводле яе слоў, больш беспрынцыпова не бывае.

Лідарка нямецкай Партыі зялёных Францыска Брантнер заклікае як мага хутчэй адмовіцца ад выкапнёвага паліва ў Еўропе ў адказ на пагадненне па дызельным паліве паміж прэзідэнтам ЗША Дональдам Трампам і кіраўніком Расіі Пуціным.

Пра гэта, як піша «Еўрапейская праўда», паведамляе ntv.

Брантнер рэзка раскрытыкавала падыход Трампа.

— Спачатку пачаць вайну супраць Ірана без якога-небудзь яснага плана, што вядзе да росту коштаў на энерганосьбіты ва ўсім свеце, — а потым заключыць пагадненне менавіта з ваяўнічым Пуціным, каб змякчыць наступствы перад прамежкавымі выбарамі, — больш беспрынцыпова ўжо не бывае, — заявіла лідарка Партыі зялёных.

Брантнер адзначыла, што за палітыку Трампа ў выніку заплоцяць народ Украіны і тыя, хто церпіць ад высокіх коштаў.

— Для Германіі і Еўропы гэта азначае: еўрапейскі суверэнітэт і незалежнасць ад выкапнёвага паліва — надзённая неабходнасць, — адзначыла палітык.

Паводле яе слоў, падтрымка Украіны павінна працягвацца.

— Мы больш не можам ставіць сваю будучыню ў залежнасць ад аўтакратаў, якія залежаць ад выкапнёвага паліва, і ад наступстваў іх войнаў, — дадала Брантнер.