«Не хочам, каб Крэмль атрымліваў выгаду»

• 10.10.2026, 19:08

Адна з краін адмовілася ад расійскага паліва.

Аўстралія не будзе закупаць расійскае паліва і захавае забарону на яго імпарт, нягледзячы на новае пагадненне прэзідэнта ЗША Дональда Трампа з расійскім дыктатарам Пуціным адносна дызельнага паліва.

Пра гэта заявіў міністр па пытаннях змянення клімату і энергетыкі Аўстраліі Крыс Боўэн, паведамляе Bloomberg.

- Аўстраліі не патрэбна расійскае паліва, і мы не хочам яго купляць. Мы не хочам, каб Уладзімір Пуцін атрымліваў выгаду з гэтай вайны на Блізкім Усходзе. Рашэнне Злучаных Штатаў – іхняя справа, але мы не будзем змяняць свой падыход, – сказаў Боўэн.

Паводле яго слоў, у Аўстраліі ёсць запасы бензіну на 43 дні, а дызельнага паліва – на 31 дзень.