Трамп абвясціў энергетычнае перамір’е паміж Украінай і Расіяй

• 11.10.2026, 17:43

Прэзідэнт ЗША заявіў, што бакі нібыта пагадзіліся.

Прэзідэнт ЗША Дональд Трамп абвясціў энергетычнае перамір’е паміж Украінай і Расіяй. Адпаведную заяву ён апублікаваў у сваёй сацыяльнай сетцы Truth Social.

Паводле слоў кіраўніка Белага дома, абодва бакі пагадзіліся на энергетычнае перамір’е. Таксама ён папрасіў яго не парушаць.

«З гэтай хвіліны ў вайне паміж Расіяй і Украінай дзейнічае “энергетычнае перамір’е”. Абодва бакі пагадзіліся. Не парушайце яго! Дзякуй за ўвагу да гэтага пытання», — адзначыў кіраўнік Белага дома.

Таксама варта адзначыць, што ні Украіна, ні Расія пакуль афіцыйна не пацвярджалі гэтую заяву Трампа.