ЕС выдзяляе Украіне яшчэ 3 мільярды еўра ваеннай дапамогі

• 11.10.2026, 22:29

Сродкі паступяць ужо на наступным тыдні.

На наступным тыдні Украіна атрымае ад Еўрапейскага саюза яшчэ каля 3 мільярдаў еўра ваеннай падтрымкі.

Пра гэта заявіў кіраўнік Украіны Уладзімір Зяленскі у Telegram.

Паводле слоў прэзідэнта, сёння ён правёў тэлефонныя перамовы з кіраўніцай Еўракамісіі Урсулай фон дэр Ляен.

У цэнтры ўвагі былі ўсе магчымыя рашэнні, якія дапамогуць узмацніць Украіну.

«Падзякаваў Урсуле за нядаўні транш у памеры 1,24 мільярда еўра на абарону, які ўжо паступіў ва Украіну. Удзячны за пацвярджэнне, што яшчэ каля 3 мільярдаў еўра ваеннай падтрымкі будуць выдзеленыя ўжо на наступным тыдні. Гэта сродкі, якія нас узмоцняць», - напісаў Зяленскі.

Таксама кіраўнік дзяржавы падкрэсліў, што распавёў кіраўніцы Еўракамісіі пра новыя варожыя ўдары. Так, 11 кастрычніка РФ атакавала дронам электрастанцыю ў Кіеве, у выніку чаго ў многіх раёнах сталіцы адбылося адключэнне электраэнергіі.

«Пазней былі ўдары па энергааб’ектах у Харкаўскай вобласці. І гэта ўжо ПАСЛЯ заявы прэзідэнта Злучаных Штатаў аб энергетычным спыненні агню. У такіх умовах надзейная падтрымка нашых партнёраў - гэта рэальная абарона жыцця і гарантыя таго, што расіяне не змогуць зламаць Украіну», - падкрэсліў кіраўнік дзяржавы