Жаднасць фраера згубіла

• Аббас Галлямов
• 12.10.2026, 13:04

Што скажуць амерыканскія вайскоўцы?

Дабіўшыся таго, каб еўрапейцы плацілі за амерыканскую зброю, якая пастаўляецца ва Украіну, Трамп не толькі зарабіў, але і вельмі моцна абмежаваў свае магчымасці выкарыстоўваць названыя пастаўкі зброі як рычаг ціску на Украіну і Еўропу. Фінансавая выгада, калі і не цалкам абнуліла, дык прынамсі істотна аслабіла палітычную значнасць праекта.

Раней, калі табе нешта не падабалася ў паводзінах Украіны, пастаўкі можна было спыніць у любы момант, а цяпер? Пакінуць сваіх збраяроў без прыбытку? За мінулы год у Амерыку ў межах згаданай праграмы паступіла 10 млрд долараў. І што цяпер, у ўгоду Пуціну пазбавіцца гэтага кавалка? Што скажуць акцыянеры, што — прафсаюзы?

І, дарэчы, што скажуць вайскоўцы? Імкнучыся максімізаваць прыбытак, які атрымліваюць ЗША, Трамп стварыў хітры механізм, у межах якога ва Украіну адпраўляецца зброя, УЖО прынятая на ўзбраенне амерыканскай арміі, а новая зброя — вырабленая за кошт сродкаў еўрапейцаў — паступае на ўзбраенне ЗША. Разумееце? Трамп прадае б/у па цане новай. То бок фактычна Еўропа не толькі загружае замовамі амерыканскую прамысловасць і стварае там працоўныя месцы, але і пераўзбройвае амерыканскую армію.

І вось цяпер Трамп усё гэта пахавае, каб угадзіць Пуціну?

Будзе вельмі цікава паглядзець, як гэта ў яго атрымаецца.

Аббас Галлямов, Telegram