ЗСУ знішчылі склад дронаў і РЭБ акупантаў у глыбокім тыле

• 12.10.2026, 14:14

Удар нанеслі больш за 100 кіламетраў ад лініі фронту.

Пілоты 237-га асобнага батальёна беспілотных сістэм 7-га корпуса хуткага рэагавання Дэсантна-штурмавых войскаў ЗСУ нанеслі ўдар па аб’екце расійскіх акупантаў, размешчаным больш як на 100 кіламетраў у глыбіню часова акупаванай тэрыторыі Данецкай вобласці.

Як паведамляе «Цензор.НЕТ», відэазапіс баявых дзеянняў апублікавалі ўкраінскія вайскоўцы.

Паводле інфармацыі падраздзялення, мэтай сталі майстэрня і склад беспілотнікаў і сродкаў радыёэлектроннай барацьбы праціўніка, якія расіяне абсталявалі ў шматпавярховым будынку.

На апублікаваных кадрах паказана падрыхтоўка ўкраінскіх вайскоўцаў да ўдару, а таксама аэравыведка аб’екта. У прыцэле беспілотніка бачна шматпавярховы будынак, які акупанты выкарыстоўвалі для размяшчэння ваеннай тэхнікі.

Пасля атакі на відэа зафіксаваны магутны выбух і задымленне ў раёне паражонага будынка. Паводле паведамлення вайскоўцаў, у выніку ўдару майстэрня і склад расійскіх БПЛА і сродкаў РЭБ былі знішчаныя.